Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускіх выпускнікоў абавязалі працаваць у Расеі 15:04, 04/05/2007
14 беларусаў, якія скончылі Беларускі дзяржаўны універсітэт транспарту, атрымалі размеркаванне на працу на прадпрыемствы і ў арганізацыі "Расейскіх чыгунак". Размеркаванне праходзіла з удзелам кіраўніка "Беларускіх чыгунак" Уладзіміра Жарэлы.
У той самы час чатыры расейцы пасля атрымання дыплома беларускага універсітэта транспарту па ўласным жаданні застануцца працаваць у Беларусі, перадае "Народная воля".
Як раней паведамляў “Тэлеграф”, з гэтага года беларускія ВНУ будуць прапаноўваць першыя працоўныя месцы як студэнтам бюджэтных аддзяленняў, так і платных. Пра гэта паведаміў намеснік прэм`ер-міністра Беларусі Аляксандр Касінец, дадаўшы, што выпускнікоў, якія хочуць атрымаць першыя працоўныя месцы пасля заканчэння ВНУ, становіцца ўсё больш.
"Калі чалавек навучаўся ўсе пяць гадоў за свой кошт і вучыўся на "выдатна", то чаму б дзяржаве не прапанаваць яму першае працоўнае месца", – сказаў Аляксандр Касінец. Па яго словах, цяпер працэс размеркавання выпускнікоў ідзе практычна "бязбольна".
Як адзначыў віцэ-прэм`ер, большасць студэнтаў разумеюць і ўсведамляюць выгаду, якую яны атрымоўваюць пры размеркаванні. Пры гэтым Аляксандр Касінец таксама звярнуў увагу на тое, што дзяржава затрачвае сродкі на навучанне студэнтаў і таму выпускнікі ВНУ, падкрэсліў віцэ-прэм`ер, абавязаныя прыбыць да месца свайго размеркавання.
