Юшчанка і Януковіч дамовіліся наконт правядзення выбараў :: Хартыя'97 :: Навiны

Прэзідэнт Украіны Віктар Юшчанка і прэм`ер-міністр Віктар Януковіч дасягнулі дамоўленасці аб правядзенні датэрміновых парламенцкіх выбараў.Аб кампрамісным рашэнні паведамілі абодва палітыкі па завяршэнні сустрэчы ў Сакратарыяце Прэзідэнта.

У інтэрв`ю журналістам пасля сустрэчы з Януковічам Юшчанка паведаміў, што падчас сустрэчы яны дамовіліся па шэрагу прынцыповых пытанняў, якія дазволяць забяспечыць выхад з палітычнага крызісу.

"Уласна кажучы, мы сёння размаўлялі пра пакет, пра крокі, якія трэба зрабіць для таго, каб абодва бакі маглі годна выйсці з гэтага канфлікту без тэзіса "пераможцы і пераможаныя", а самае галоўнае – з нацыянальнымі ўрокамі", – сказаў Прэзідэнт.

Па яго словах, неабходна зрабіць усё, каб забяспечыць стабільную працу парламента, забяспечыць стабільнасць палітычнай сітуацыі. "З якімі ўрокамі нам трэба выйсці і на якіх прынцыпах", – сказаў кіраўнік дзяржавы.

Юшчанка паведаміў, што абмяркоўваў з прэм`ерам тэхнічныя крокі для правядзення датэрміновых выбараў, якія неабходна ажыццявіць усім інстытутам, у тым ліку ўраду, парламенту, Канстытуцыйнаму суду, ЦВК. У прыватнасці, якія меры трэба прыняць, каб гэтыя інстытуты ўклаліся ў тэрміны.

"Самая галоўная наша дамоўленасць – мы прынялі прынцыповае рашэнне, прынцыповае пагадненне аб правядзенні датэрміновых парламенцкіх выбараў. Гэта, па-першае. Другое ўзаемнае абяцанне – гэта тое, што трэба зрабіць для таго, каб гэтыя выбары былі дэмакратычнымі. Усе астатнія – гэта ўжо ўтрыманне тых дзеянняў, тая лагістыка, якую пачне сёння прапрацоўваць працоўная група, якую мы ствараем, і якая за самыя блізкія два дні павінна пакласці на стол усе крокі, якія трэба зрабіць для таго, каб адкрыць паседжанне парламента, прыняць адным рашэннем рэчы, якія тычацца правядзення выбараў. Паставіць кропку, ісці на выбары", – сказаў Юшчанка.

У сваю чаргу, Януковіч сказаў журналістам, што хацеў бы дадаць да слоў Прэзідэнта тое, што галоўнай мэтай сумеснага рашэння з`яўляецца правядзенне сумленных і дэмакратычных выбараў.

"Мы цяпер будзем даваць даручэнне працоўнай групе, і яна адпрацуе алгарытм дзеянняў дэпутатаў у парламенце, дзеянняў, якія прывядуць да стабілізацыі сітуацыі ў краіне. Гэта таксама мэта, якую мы маем", – сказаў Януковіч, дадаўшы, што любыя палітычныя амбіцыі не каштуюць таго, каб грэбаваць спакоем і стабільнасцю ў краіне. Пры гэтым прэм`ер падкрэсліў, што эканамічная стабільнасць найперш забяспечваецца палітычнай стабільнасцю.

"Нам трэба зрабіць усё, каб адпрацаваць гэты алгарытм. Мы дасягнулі галоўнай мэты – найперш, цяпер супакоілі грамадства, другое – каб, правёўшы сумленныя і дэмакратычныя выбары, мы абралі народных выбраннікаў, якія працавалі б на ўкраінскі народ і грамадства, і дзяржава ад гэтага атрымала б пазітыў. Вось галоўная мэта, якую мы паставілі перад сабою, і мы будзем рухацца гэтым шляхам", – сказаў Януковіч.

У той самы час, ні Прэзідэнт, ні прэм`ер не адказалі на пытанне журналістаў пра дату датэрміновых парламенцкіх выбараў.

Нагадаем, на 3 траўня, 24 палітычныя сілы падалі кандыдатуры ў склад акруговых выбарчых камісій на пазачарговыя выбары Рады.

Указам ад 26 красавіка Юшчанка прызнаў свой указ аб роспуску Рады ад 2 красавіка, страціўшым сілу, ізноў датэрмінова спыніў паўнамоцтвы Рады 5-га склікання і прызначыў пазачарговыя выбары на 24 чэрвеня.

Па матэрыялах Карэспандэнт.net, УНІАН