Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Больш за 10 дзён няма зьвестак ад палітвязьня Зьмітра Дашкевіча 12:38, 05/05/2007
Больш за 10 дзён няма зьвестак ад лідэра “Маладога Фронта” Зьмітра Дашкевіча, якога мусілі перавезьці з турэмнага шпіталя ў калёнію. Бацькі палітвязьня бачыліся з сынам 25-га красавіка ў менскім турэмным шпіталі і з таго часу ня маюць пра яго ніякіх зьвестак.
Бацька актывіста Вячаслаў Дашкевіч непакоіцца.
“Нічога ад сына няма. Быў сёньня на пошце, атрымаў газэты, але ад Зьмітра лістоў няма. Нават ня ведаем, ці адвезьлі яго зноў у калёнію з шпіталя. Казалі, што 29-га красавіка этапам павязуць, але ці так, невядома,” – паведаміў Вячаслаў Дашкевіч “Радыё Свабода”.
Нагадаем, Зьміцер Дашкевіч патрапіў у шпіталь пасьля таго, як у яго забалела сьпіна. У калёніі палітвязьню давялося цягаць цяжкія барвёны, між тым у дзяцінстве Дашкевіч атрымаў траўму сьпіны. Адміністрацыя калёніі пра гэта ведала, але накіравала Дашкевіча працаваць на лесапільным ўчастку.
