Пратэстуючыя інваліды перадалі петыцыю ў адміністрацыю Лукашэнкі (Фота) :: Хартыя'97 :: Навiны

У Менску інваліды-вазочнікі перадалі петыцыю ў адміністрацыю Аляксандра Лукашэнкі. Удзельнікі акцыі прыехалі ў адміністрацыю на калясках ад плошчы Бангалор, дзе праходзіў іх мітынг. Каля Нацыянальнага акадэмічнага тэатра імя Янкі Купалы, размешчанага ў некалькіх дзесятках метрах ад будынка адміністрацыі, інвалідаў спынілі байцы палка міліцыі спецыяльнага прызначэння (былы АМАП). Яны заявілі, што гэта рэжымная тэрыторыя і праход да будынка забаронены. Такім чынам, да галоўнага ўваходу ў Адміністрацыю прэзідэнта ўдзельнікі маршу дапушчаныя не былі.

Аднак да іх выйшаў службоўца і паведаміў, што праз некаторы час да іх выйдзе супрацоўнік Адміністрацыі прэзідэнта, які возьме ў іх зварот да Аляксандра Лукашэнкі.

У петыцыі, нагадаем, змешчаныя патрабаванні выконваць правы інвалідаў у Беларусі, не адмяняць дзеянне льгот, а палепшыць стан гэтай катэгорыі грамадзян. Інваліды таксама заклікаюць кіраўніка дзяржавы садзейнічаць стварэнню ў населеных пунктах краіны і ў Менску безбар`ернага асяроддзя, якое дазваляе людзям з абмежаванымі магчымасцямі адаптавацца да жыцця ў грамадстве. Нагадаем, петыцыя ў адрас прэзідэнта была прынятая на мітынгу інвалідаў, які адбыўся з 11 да 12 гадзін на плошчы Бангалор і ў якім узялі ўдзел каля 100 чалавек, паведамляе БелаПАН.

Пецярых удзельнікаў акцыі дапусцілі ў прыёмную Адміністрацыі прэзідэнта, дзе яны перадалі петыцыю. Цікава, што яны адразу не здолелі патрапіць у будынак – людзі ў інвалідных калясках проста не здолелі заехаць у занадта вузкі для гэтага дзвярной праём. Каб адкрыць другую створку цяжкіх дзвярэй, быў выкліканы сталяр.