Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На выканаўцу абавязкаў старшыні БСДП (Грамада) Анатоля Ляўковіча накладзены штраф у памеры 20 базавых велічынь (620 тыс. рублёў). Такое рашэнне 4 траўня прыняў суд Савецкага раёна Менска, паведаміў БелаПАН праваабаронца Алег Воўчак.
А.Ляўковіч быў затрыманы ўчора ў 12.40 у двары дому № 52/1 па праспекце Ракасоўскага, у якім размяшчаецца офіс БСДП (Грамада). Яго пасадзілі ў аўтамабіль "Аўдзі" нумар 2137-АI-7 і даставілі ў Савецкі РУУС, дзе ў дачыненні яго быў складзены пратакол аб адміністрацыйным правапарушэнні. А.Ляўковічу інкрымінавалася парушэнне парадку правядзення святочных мерапрыемстваў 1 траўня. Святочныя дэманстрацыя і мітынг былі дазволеныя толькі на плошчы Бангалор (парк Дружбы народаў).
Парушэннем было абвешчанае шэсце часткі ўдзельнікаў мерапрыемства, якія прадстаўляюць БСДП (Грамада), ад месца іх збору на скрыжаванні вуліц Якуба Коласа і Сурганава да плошчы Бангалор. А.Ляўковіч браў удзел у гэтым шэсці.
