Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Маскоўскі эфір абыдзецца каналу «Беларусь-ТБ» у $45 мільёнаў 13:16, 05/05/2007
Самы буйны ў Маскве аператар кабельных сетак не згодны трансляваць беларускі канал бясплатна.
Перамовы канала «Беларусь-ТБ» з найбуйнейшым маскоўскім аператарам кабельнага ТБ – кампаніяй «Мостелеком» зашлі ў тупік. Масквічы чарговым разам адмовіліся ўключыць у пакет вяшчання беларускі спадарожнікавы канал.
– Ніякіх палітычных матываў у гэтай адмове няма, – растлумачыў “КП в Беларуси” дырэктар Дырэкцыі тэлеканала «Беларусь-ТБ» Валеры Радуцкі. – Прычыны фінансавыя. Маскоўская кампанія выставіла нам рахунак – па 15 даляраў за аднаго абанента. Паслугамі «Мостелекома» карыстаюцца каля 3 мільёнаў абанентаў (90% маскоўскіх сем`яў). Разам: 45 мільёнаў даляраў за права транслявацца ў Маскве. Пры гэтым кампанія спасылаецца на падатковае заканадаўства Расеі, маўляў, калі яны возьмуць наш канал бясплатна, то ім павялічаць падаткі.
