Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Навіны БТ транслююцца на вялізным экране ў цэнтры Менска 15:08, 07/05/2007
Сёння ў Дзень радыё, тэлебачання і сувязі ў Менску каля Палаца спорту прайшла прэзентацыя самага вялікага ў беларускай сталіцы святлодыёднага экрана, які з`яўляецца ўласнасцю Белтэлерадыёкампаніі.
Намеснік міністра інфармацыі Рэспублікі Беларусь Аляксандр Слабадчук на цырымоніі адкрыцця экрана сказаў, што ў Беларусі надаецца вялікая ўвага развіццю сродкаў масавай інфармацыі. І нібыта выстава "Тибо-2007", XI Міжнародная спецыялізаваная выстава "СМІ ў Беларусі", II Беларускі інфармацыйны форум "Сацыяльная адказнасць СМІ", конкурс "Залатая Літара", якія мінулі апошнім часам, пацвярджаюць гэта.
Старшыня Белтэлерадыёкампаніі Аляксандр Зімоўскі дадаў, што на экране плошчай 26 кв.м будуць дэманстравацца буйныя спартовыя падзеі, розныя грамадска-палітычныя, культурныя мерапрыемствы.
Некаторы час экран працаваў у тэставым рэжыме, а з моманту афіцыйнага абвяшчэнне аб адкрыцці пачалася трансляцыя навін Першага канала.
