Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Выбух на газаправодзе ва Украіне. Расейскі газ у Еўропу не ідзе 17:31, 07/05/2007
Транспартоўка прыроднага газа з Расеі ў Еўропу па магістральным газаправодзе Урэнгой–Памары–Ужгарад спынены з прычыны выбуху, які адбыўся на трубаправодзе каля вёскі Лука Тарашчанскага раёна Кіеўскай вобласці, паведамілі ў панядзелак агенцтву “Інтэрфакс-Украіна” ў МНС Украіны.
Пра прычыны выбуху і магчымыя тэрміны аднаўлення падачы газу нічога не паведамляецца.
Паводле дадзеных МНС, выбух прывёў да разбурэння 30 метраў газаправода дыяметрам 1400 мм. Цяпер пажар, які ўзнік у выніку аварыі, ліквідаваны, удакладнілі ў Міністэрстве.
Прадстаўнік ведамства таксама дадаў, што на месцы выбуху працуе спецыяльная камісія. Прычыны аварыі высвятляцца.
Працягласць магістральнага газаправода Урэнгой–Памары–Ужгарад па тэрыторыі Украіны складае 1160 км, яго праектная магутнасць – 27,9 млрд куб. м у год.
На трасе газаправода знаходзяцца дзевяць кампрэсарных станцый.
Гэты газаправод абслугоўвае кампанія "Укртрансгаз" – аператар газатранспартнай сістэмы Украіны.
