Асуджаная беларуская прадпрымальніца абвясціла галадоўку :: Хартыя'97 :: Навiны

Асуджаная беларуская прадпрымальніца Святлана Дваранінава абвясціла сёння, 7 траўня, галадоўку ў сувязі з парушэннямі правоў на абарону і фальсіфікацыяй крымінальнай справы. Пра гэта карэспандэнту ІА REGNUM паведаміла дачка асуджанай Яўгенія Дваранінава. Па яе словах, у парушэнне КПК Беларусі ёй неабгрунтавана адмаўляюць у допуску ў якасці абаронцы ў гэтым крымінальным працэсе.

"Апошнім разам я бачыла маці ў канцы мінулага года, – сказала яна. – Асудзілі яе ўлетку, далі восем гадоў калоніі за няўчасны зварот вытворчых даўгоў. Такім чынам, ёй інкрымінавалі махлярства і крадзеж, шляхам злоўжывання службовым становішчам. Хоць ніводнага эпізоду прысваення грошаў ёю асабіста ў справе няма. Усё пазычанае ішло на вытворчасць. Цяпер ёй дадаткова абавязваюць пару аналагічных эпізодаў і прывезлі ў г. Віцебск з калоніі і зноў судзяць па гэтых самых артыкулах, але па іншых выпадках". Яўгенія Дваранінава ўпэўненая, што яе маці асудзілі за тое, што яна адказала адмовай на вымагальніцтва з боку праваахоўных органаў Беларусі.

Сама Святлана Дваранінава адзначае, што, калі зыходзіць з пазіцыі следчага і суду, то сёння ўсялякага бізнэсмэна, які пазычае сродкі для вядзення бізнэсу ў Беларусі можна пасадзіць за краты. "Следства па справе вялося аднабакова, шмат дакументаў з канфіскаваных следствам зніклі, за аснову абвінавачвання ўзятыя асобныя дакументы, якія не паказваюць цэласнасць маёй гаспадарчай дзейнасці, а толькі паказваюць мяне ў негатыўным святле, – сказала яна. – Дакументы, дзе мною добрасумленна выконваліся ўсе абавязальніцтвы, увогуле не прадстаўленыя, а такіх дакументаў было канфіскавана следчым вельмі шмат. У мяне склалася ўражанне, што на маім прыкладзе паказалі іншым прадпрымальнікам, як небяспечна не ўмець "дамаўляцца" з следчым".

Адзначым, што цяпер крымінальная справа ў дачыненні Святланы Дваранінавай разглядаецца ў Вярхоўным судзе Беларусі. Плануецца, што рашэнне суду будзе вядомае да сярэдзіны траўня 2007 года. У сваім патрабаванні асуджаная прадпрымальніца патрабуе дапусціць дачку ў якасці абаронцы па дадзенай крымінальнай справе, правесці незалежную экспертызу здзейсненых ёю здзелак, а таксама перадаць справу ў іншы суд г. Менска.