Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Паседжанне Вярхоўнага суду па пазове камуністаў адкладзенае 11:50, 07/05/2007
Паседжанне Вярхоўнага суду, на якім меркавалася разглядзець скаргі Цэнтральнага камітэта Партыі камуністаў Беларускай на два пісьмовыя папярэджанні Міністэрства юстыцыі, павінна было пачацца 7 траўня ў 11.00. Аднак сёння ў офіс партыі прыйшло паведамленне пра тое, што судовае паседжанне пераносіцца на нявызначаны час.
Нагадаем, што першае пісьмовае папярэджанне было вынесенае ПКБ па выніках праверкі спісаў сябраў партыі. На патрабаванне Міністэрства юстыцыі былі пададзеныя спісы 1500 сябраў партыі, па якіх Міністэрства потым правяло праверку сапраўднасці сяброўства ў партыі.
Што характэрна, праверка рабілася з прыцягненнем працаўнікоў праваахоўных органаў. На мясцовым узроўні гэтым займаліся ўчастковыя міліцыянты і працаўнікі выканкамаў. У выніку, было вынесенае папярэджанне за тое, што больш як 200 чалавек не пацвердзілі сяброўства ў партыі, паведамляе партыйная газета “Товарищ”.
Другое папярэджанне было вынесенае за ўдзел ва ўстаноўчай канферэнцыі Саюза левых партый у Чарнігаве. На думку ЦК ПКБ, папярэджанні вынесеныя беспадстаўна. Менавіта таму была пададзеная скарга ў Вярхоўны суд.
