Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Красоўскі адмовіўся сьведчыць супраць сябраў «Маладога фронту» 16:59, 07/05/2007
Моладзевы актывіст Павал Красоўскі паведаміў «Радыё Свабода», што сьледчы Жодзінскай гарадзкой пракуратуры Васько сёньня падчас допыту цікавіўся ягонай дзейнасьцю ў незарэгістраванай арганізацыі “Малады фронт”. Сьледчы таксама распытваў Красоўскага пра актывістаў “Маладога фронту” Насту Азарку, Дзяніса Карнова і Івана Шылу.
Павал Красоўскі паведаміў, што адмовіўся сьведчыць супраць сябе, а таксама нічога не паведаміў пра сваіх паплечнікаў.
Нагадаем, што ў траўні ў Менску павінен прайсці суд над актывістамі «Маладога Фронта», якіх абвінавачваюць у дзейнасьці ад імя незарэгістраванай арганізацыі. Лідэр арганізацыі Зміцер Дашкевіч ужо асуджаны на 1,5 гадоў зьняволеньня ў калоніі агульнага рэжыму.
