Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лукашэнка гатовы памілаваць бізнэсмэнаў, калі яны заплацяць 17:29, 07/05/2007
Аляксандру Лукашэнку дакладзена пра расследаванне крымінальнай справы, па якой праходзіць шэраг кіруючых асоб і ўладальнікаў мэблевых салонаў, якія займаліся пастаўкай і рэалізацыяй дарагой мэблі ў Беларусі, паведамілі "Інтэрфаксу" ў прэс-службе кіраўніка дзяржавы па выніках дакладу А.Лукашэнку намесніцы кіраўніка адміністрацыі прэзідэнта Наталлі Пяткевіч.
“Пазіцыя прэзідэнта тут выразная і адназначная: асобы, вінаватыя ў парушэнні падатковага і мытнага заканадаўства, якія не заплацілі своечасова і ў поўным аб`ёме мытныя і падатковыя плацяжы, павінны ў разы кампенсаваць тую шкоду, якую панесла дзяржава", – заявілі ў прэзідэнцкай прэс-службе.
Пры гэтым, адзначылі там, "гаворка ідзе пра пакрыццё як непасрэдна прычыненай шкоды, так і выпушчанай дзяржавай выгады ў сувязі з тым, што вінаватыя парушалі заканадаўства, ухіляліся ад выканання сваіх эканамічных абавязкаў і злоўжывалі даверам грамадзян і дзяржавы".
"З улікам усіх акалічнасцяў, а таксама таго, наколькі будзе кампенсаваная шкода, і будзе ўжывацца пакаранне да вінаватых", – заявілі ў прэзідэнцкай прэс-службе.
