Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускія апазіцыянеры ўзнагароджаныя Кансерватыўнай партыяй Нарвегіі 09:56, 07/05/2007
Партыя БНФ і Аб’яднаная грамадзянская партыя ўзнагароджаныя прэміяй імя С’юра Ліндэбрэкке за дзейнасць у галіне дэмакратыі і правоў чалавека. Цырымонія ўзнагароджвання адбылася ўвечары 5 траўня ў Осла, у рамках з’езда Кансерватыўнай партыі Нарвегіі “Хёйрэ”.
Ад імя Партыі БНФ і АГП узнагароду атрымаў намеснік старшыні Партыі БНФ Аляксей Янукевіч. Падчас урачыстай цырымоніі ён сказаў: "Атрыманне ўзнагароды – вялікі гонар для нас. Безумоўна, гэтая ўзнагарода належыць не партыям як структурам, а нашым актывістам, якія ў сваіх рэгіёнах кожны дзень у насамрэч складаных умовах змагаюцца за свае каштоўнасці і перакананні, за свабоду. Мы вельмі ўдзячныя за тую ўвагу, якую "Хейрэ" надае сітуацыі ў Беларусі".
У інтэрв`ю БелаПАН А.Янукевіч паведаміў, што прэмія была заснаваная сёлета Кансерватыўнай партыяй Нарвегіі і носіць імя былога лідэра "Хейрэ", спікера парламента Сьюра Ліндэбрэкке, вядомага змагара за правы чалавека. "Гэтая падзея прыцягнула ў Нарвегіі вялікую ўвагу. Сёння інфармацыю пра прэмію і яе лаўрэатах апублікавалі ўсе найбуйнейшыя газеты, я даў шмат інтэрв`ю", – распавёў А.Янукевіч.
