Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Варонежы на сметніку знойдзеныя парэшткі загінуўшых у Другой Сусветнай вайне 13:18, 07/05/2007
Напярэдадні Першамая жыхары вуліцы Халмістай каля Паўднёва-Заходніх могілкаў у Варонежы патэлефанавалі ў міліцыю: на сметніку каля гэтай вуліцы хтосьці вываліў з грузавікоў дваццаць куч будаўнічага смецця. У ім – чалавечыя косці, чэрапы.
1 траўня пра сметнік бездаглядных касцей паведаміла прэса. На наступны дзень раённая пракуратура ўзбудзіла крымінальную справу па ч. 1 арт. 244 КК РФ (здзек над целамі памёршых і месцамі іх пахавання). Пакуль знойдзеныя парэшткі застаюцца безыменнымі.
Варонежская вобласць – другая ў Расеі па колькасці загінуўшых тут у Другой Сусветнай вайне: больш як 400 тысяч савецкіх салдат. Пахаваныя парэшткі менш за траць з іх, паведамляе «Новая газета».
