Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У цэнтры Менска прайшла акцыя з нагоды восьмай гадавіны знікнення Юрыя Захаранкі 09:59, 08/05/2007
На Кастрычніцкай плошчы Менска ўвечары 7 траўня прайшла акцыя з нагоды восьмай гадавіны знікнення былога міністра ўнутраных спраў Юрыя Захаранкі.
Прыкладна ў 19 гадзін 25 хвілін 14 маладых людзей сталі каля знака нулявога кіламетру з партрэтамі Юрыя Захаранкі, а таксама Андрэя Клімава, Змітра Дашкевіча, Аляксандра Казуліна і іншых грамадзян, пацярпелых, па словах удзельнікаў, за свае палітычныя перакананні.
Маладыя людзі прастаялі 10 хвілін, пасля чаго разышліся. Супрацоўнікі міліцыі, якія падыходзілі да іх, заяўлялі пра несанкцыянаваны характар акцыі, аднак ніякіх актыўных дзеянняў бакі не рабілі.
Згарнуўшы партрэты, удзельнікі пікету разышліся. Частка з іх накіравалася да сквера Янкі Купалы. Там да іх пад`ехалі дзве міліцэйскія машыны. Адтуль вышлі супрацоўнікі спецназа і забралі ў маладых людзей партрэты. Па папярэдняй інфармацыі, ніхто не затрыманы.
