Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міністр фінансаў: Расейскі крэдыт не будзе прывязаны да акцый Белтрансгаза 11:23, 08/05/2007
Стабілізацыйны крэдыт, з просьбай аб выдачы якога ўрад Беларусі звярнуўся да ўрада Расеі, не будзе прывязаны да акцый Белтрансгаза, заявіў у Менску журналістам міністр фінансаў Беларусі Мікалай Корбут, паведамляе “Інтэрфакс”.
Міністр прызнаў, што такая прапанова ўносілася расейскім бокам.
"Прывязка была на ўзроўні экспертаў", – растлумачыў ён.
"Мы бярэм дзяржаўны крэдыт. Дзяржкрэдыт не можа быць прывязаны да якіх-небудзь іншых абавязальніцтваў, чым абавязальніцтва адной дзяржавы перад іншай", – падкрэсліў кіраўнік Мінфіна Беларусі.
Па словах М.Корбута, бакі цяпер "асэнсоўваюць прапанову". "Я думаю, мы гэтае пытанне вырашым, як раней: дзяржаўны крэдыт і працэнтная стаўка", – адзначыў М.Корбут. Па словах кіраўніка Мінфіна, мяркуецца, што 1 млрд даляраў будзе прадстаўлены сёлета, і 500 млн даляраў – у будучыні.
