Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пракуратура спыніць дзяржаўны вандалізм? 10:50, 08/05/2007
9 траўня ў пракуратуру Гарадзенскай вобласці плануецца перадаць заяву грамадскасці з патрабаваннем не дапусціць разбурэння старой часткі Гародні. Як паведаміў БелаПАН адзін з актывістаў кампаніі ў абарону гістарычнага цэнтра Гародні Алесь Залеўскі, цяпер працягваецца збор подпісаў пад гэтай заявай.
Працягваецца таксама рэгулярнае дзяжурства каля двух будынкаў, цалкам падрыхтаваных уладамі да зносу. У адным з іх у канцы XVIII – пачатку XIX стагоддзя размяшчалася архірэйская стайня – на гэтым месцы плануецца ўзвесці праваслаўную царкву. Другі двухпавярховы каменны будынак, пабудаваны ў канцы XIX стагоддзя і прызначаны пад знос, размешчаны па вуліцы Урыцкага, 5.
Па словах А.Залеўскага, аховай будынкаў займаецца мясцовая моладзь, якая не належыць ні да якіх палітычных арганізацый. "Гэта неабыякавыя маладыя людзі, гатовыя ахвяраваць сваім часам, заняткамі ў школах і ВНУ. Партыі пакуль абмяжоўваюцца толькі заявамі і рэзалюцыямі", – сказаў ён.
Акрамя таго, разглядаецца магчымасць правядзення мясцовага рэферэндуму па праблемах горадабудаўніцтва і аховы гістарычнага цэнтра Гародні. Для гэтага неабходна сабраць подпісы 10% гарадзенскіх выбаршчыкаў (каля 20 тысяч чалавек).
