Лукашэнка мае намер і надалей адстойваць незалежнасць Беларусі :: Хартыя'97 :: Навiны

Аляксандр Лукашэнка заяўляе пра наяўнасць знешніх фактараў, якія ўплываюць на развіццё краіны, і гаворыць, што не дапусціць «зневажання» беларускага народа.

"Яшчэ на пачатку прэзідэнцтва я абяцаў, што мы захаваем краіну, якую ветэраны нам перадалі, прывядзем яе ў парадак і выведзем на ўзровень лепшых савецкіх часоў. Сёння мы ўжо перасягнулі гэтыя поры. І калі часам нам складана і цяжка, паверце, гэта ўжо залежыць не ад улады і нават не ад нашага народа. Гэта залежыць ад таго становішча, якое складаецца ў свеце, на якую мы сёння як незалежная і суверэнная Беларусь, у адрозненне ад той вялікай савецкай краіны, паўплываць не можам", – адзначыў А.Лукашэнка падчас цырымоніі узнагароджання дзяржаўнымі ўзнагародамі ветэранаў вайны і працы, а таксама працаўнікоў сілавых структур.

"Але з чым я ніколі згадзіцца не магу, і вы мяне ў гэтым падтрымаеце, – я ніколі не дазволю зневажаць сваю краіну і свой народ. Ён гэтага не заслужыў. Мы заўсёды на алтар перамогі, не ў імя сябе, а ў імя ўсяго чалавецтва, аддавалі нашых людзей. Таму я абараняю свой народ і яго інтарэсы", – заявіў беларускі кіраўнік.

9 траўня па традыцыі ў Менску пройдуць святочнае шэсце ветэранаў Вялікай Айчыннай вайны і цырымонія ўскладання вянкоў да помніка Перамогі, у якіх возьме ўдзел Лукашэнка.