Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Супраць Яраслава Грышчэні зноў узбудзілі крымінальную справу 17:52, 10/05/2007
Непоўнагадоваму моладзеваму актывісту Яраславу Грышчэню 10 траўня абвясцілі пра тое, што ў дачыненні яго зноў узбудзілі крымінальную справу. Адпаведную пастанову яму ўручыла следчая Баранавіцкага ГАУС Юлія Аскальдовіч.
У ім гаворыцца, што Яраслаў Грышчэня пасля заявы ў Баранавіцкім ГАУС, зробленай ім 20 красавіка 2007 года аб добраахвотным спыненні ўдзелу ў дзейнасці «Маладога Фронту», «фактычна працягнуў удзел у дзейнасці гэтага незарэгістраванага грамадскага аб`яднання пры правядзенні шэсця «Чарнобыльскі шлях» 26 красавіка 2007 года, пра што сведчаць адснятыя матэрыялы», паведамляе прэс-служба АГП.
На падставе гэтага пракурор горада Баранавічы, старэйшы дарадца юстыцыі Аляксандр Смаль пастанавіў узбудзіць крымінальную справу па артыкуле 193-1 Крымінальнага кодэкса (дзейнасць ад імя незарэгістраванай арганізацыі). І накіраваў крымінальную справу “для вытворчасці папярэдняга следства ў следчы аддзел Баранавіцкага ГАУС”.
Юлія Аскальдовіч уручыла Яраславу Грышчэню позву з выклікам на допыт 11 траўня ў 10.00.
