Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Амбасада Беларусі ў Рыме правяла памятную цырымонію ў гонар беларусаў, якія загінулі пры Монтэ-Касіна 11:25, 10/05/2007
Амбасада Беларусі ў Італіі правяла памятную цырымонію ў гонар беларускіх салдат, якія загінулі падчас Другой Сусветнай вайны ў бітве пры Монтэ-Касіна. Бітва антыгітлераўскай кааліцыі з нямецка-фашысцкімі войскамі за ўладанне гэтым стратэгічным плацдармам, размешчаным на подступах да Рыма, якая цягнулася больш за год, завяршылася перамогай саюзных войскаў 18 траўня 1944 года і забяспечыла карэнны пералом у італьянскай кампаніі.
Як паведамілі карэспандэнту БелТА ў Міністэрстве замежных спраў, Надзвычайны і Паўнамоцны Амбасадар Беларусі ў Італьянскай Рэспубліцы Аляксей Скрыпка і мэр горада Касіна Бруна Вінчэнца Шытарэллі ўсклалі кветкі да мемарыяла ваенных могілак, на якім пахаваныя больш за тысячу салдат з Беларусі, Польшчы, Украіны, Літвы, якія ваявалі ў складзе ў 2-га польскага войска генерала В.Андэрса. 264 з іх – беларускія ваяры, якія аддалі сваё жыццё ў Італіі за вызваленне Еўропы ад нацызму.
