Беларусь выйшла ў фінал «Еўрабачання–2007» :: Хартыя'97 :: Навiны

Беларускі спявак Дзмітры Калдун выйшаў у фінал міжнароднага конкурсу песні “Еўрабачанне–2007”, які праходзіць у Хельсінкі.

“Вядома, конкурс ёсць конкурс, але мы былі перакананыя, што пройдзем у фінал. Нумар быў моцны, выканаўца быў моцны”, – так пракаментаваў у інтэрв’ю “Белорусским новостям” вынік выступу Дзмітрыя Калдуна ў паўфінале кіраўнік беларускай дэлегацыі на міжнародным конкурсе песні “Еўрабачанне–2007” у Хельсінкі Юры Азаронак.

“Калі вы назіралі, у паўфінале былі, вядома, вельмі моцныя выканаўцы. Ну што сказаць? Дзіма мяне радуе. Нягледзячы на розныя бязладзіцы, а тут заўсёды тысячы бытавых праблем, арганізацыйных і інш., ён проста ўмее – вось гэта сапраўдны мужчына – ён умее сабрацца і выдаць у неабходны момант тое, што трэба. І ён гэта сёння зрабіў”, – сказаў кіраўнік дэлегацыі.

21-гадовы Калдун стаў першым прадстаўніком Беларусі, які выйшаў у фінал “Еўрабачання”. У 2004 – 2007 гады гэта беспаспяхова спрабавалі зрабіць дуэт “Аляксандра і Канстанцін”, Анжаліка Агурбаш і Паліна Смолава.

Фінал “Еўрабачання–2007” адбудзецца 12 траўня. Калдун выступіць трэцім сярод 24 удзельнікаў з песняй “Work Your Magic” на вершы Карэна Кавалерана і музыку Філіпа Кіркорава. Калі пра выніках галасавання спявак ўвойдзе ў дзесятку мацнейшых, у 2008 годзе наступнаму прадстаўніку Беларусі не давядзецца праходзіць скрозь сіта паўфіналу.

Фота yahoo.com