Гіды з КНР у Крамлі называюць Расею «варварскім каралеўствам» :: Хартыя'97 :: Навiны

У Маскве разгараецца скандал паміж камітэтам па турызме і кітайскімі экскурсаводамі. Справа ў тым, што службоўцаў не задавальняе тое, як гіды выкладаюць гісторыю Расеі.

Увагу супрацоўнікаў Маскоўскага камітэта па турызме прыцягнулі экскурсіі, якія праводзяцца для афіцыйных дэлегацый з Кітая. Як паведамляе газета "Твой день", падчас агляду славутасцяў маскоўскага Крамля экскурсаводы распавядаюць пра Расею, як пра "варварскае каралеўства, якое пазапраўна адабрала Далёкі Усход і Сібір у Кітая", паведамляе "Эхо Москвы".

Паводзіны кітайскіх экскурсаводаў выклікала турботу і ў Растурызме. Як заявіў намеснік кіраўніка Камітэта па турызме мэрыі Масквы Сяргей Ананаў, даўно пара было звярнуць увагу на такую непавагу. Намеснік кіраўніка Растурызма Надзея Назіна адзначыла, раней такое здаралася толькі на экскурсіях, якія вялі гіды з прыбалтыйскіх краін. Тым не менш, яна выказала надзею, што ў выпадку з КНР варта казаць хутчэй пра асабістую злосць і нявыхаванасць асобных прадстаўнікоў краіны.

Як адзначае доктар гістарычных навук Інстытута краін Азіі і Афрыкі Канстанцін Цярціцкі, некаторым з кітайцаў уласцівы шавінізм. "Яны лічаць, што іх культура самая старажытная, а ўсе іншыя народы знаходзяцца ніжэй за іх па ўзроўні развіцця", – лічыць Цярціцкі.

Службоўцы маюць намер падключыць да разгляду ФСБ, МУС і федэральны ўрад, а таксама дамагацца ліцэнзаванні кітайскіх гідаў і праверкі іх ведаў па гісторыі Расеі. У Камітэце па турызме спадзяюцца, што ўсе гэтыя выпадкі – прыкрыя непаразуменні. У выпадку ж калі гэта палітыка дзяржавы, як, напрыклад, у Прыбалтыцы, да працы падключыцца ФСБ.

Сёлета турыстаў з КНР у Расеі асабліва шмат, бо цяпер у Расеі ідзе Год Кітая. Па словах дарадцы кіраўніка Камітэта па турызме мэрыі Масквы Дзмітрыя Шульцава, часам кітайскі бок прыцягвае для правядзення экскурсій непрафесійных гідаў.

Першы такі інцыдэнт адбыўся некалькі месяцаў таму падчас візіту старшыні КНР Ху Цзыньтао ў Маскву. Кітайскі ансамбль "Вясна" рыхтаваўся выканаць песню "Разважанні аб Расеі", напоўненую сарказмам у дачыненні Расеі, яе жыхароў і палітычнага ладу, адзначае "Твой день".