Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Ператрус у кватэры непаўнагадовага актывіста «Маладога Фронту» 16:36, 11/05/2007
У дачыненні 16-гадовага актывіста “Маладога Фронту” Івана Шылы узбуджаная крымінальная справа па артыкуле 193-1 КК (дзейнасць ад імя незарэгістраванай арганізацыі). Адпаведную пастанову яму ўручыў 11 траўня следчы Салігорскай раённай пракуратуры Вітольд Аляксееў. Ён дапытаў Івана Шылу пра дзейнасць Маладога Фронта і ўдзел маладога чалавека ў гэтай арганізацыі. Бацька Івана, Уладзімір Шыла, адмовіўся даваць паказанні супраць свайго сына. Пасля допыту ў пракуратуры два супрацоўнікі КДБ пачалі ператрус у кватэры сям’і Шыла, паведаміла прэс-служба АГП.
Адзін з супрацоўнікаў КДБ, якія ўдзельнічаюць у ператрусе – С.Дземідовіч ужо неаднаразова дапытваў моладзевага актывіста. Двойчы летась – па справе лідэра "Маладога Фронту" Змітра Дашкевіча, а сёлета – па справе пецярых "маладафронтаўцаў" з Менска, у дачыненні якіх таксама ўзбуджаная крымінальная справа па гэтым самым артыкуле.
Супрацоўнікі КДБ у дадзены момант складаюць вопіс рэчаў, якія канфіскуюцца ў Івана Шылы, – гэта паперы, нататнікі і значкі з нацыянальнай сімволікай.
