Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Праваабаронцы Кацярыне Садоўскай адмовілі ў датэрміновым вызваленьні 15:33, 11/05/2007
Пра гэта Кацярына Садоўская паведаміла ў лісьце дахаты з Гомельскай жаночай калёніі. Паводле праваабаронцы, камісія ў калёніі двойчы вывучала яе характарыстыку й пастанавіла, што “зьняволеная ня стала на шлях выпраўленьня”.
“У жонкі няма дысцыплінарных спагнаньняў. Але сябрам турэмнай камісіі не спадабаліся адказы на некаторыя пытаньні, якія яны задавалі Кацярыне. Прыкладам, яе спыталі, хто ў Беларусі самы разумны? А яна нікога не назвала, хаця яе ўгаворвалі толькі вымавіць імя гэтага чалавека”, — паведаміў “Радыё Свабода” муж праваабаронцы Казімір Садоўскі.
Дзяжурны Гомельскай жаночай калёніі ніяк не пракамэнтаваў зьвестак пра Кацярыну Садоўскую й адмовіўся паведаміць нумар тэлефона начальніцы калёніі Сьвятланы Похадавай.
Нагадаем, праваабаронца Кацярына Садоўская асуджаная на 2 гады пазбаўленьня волі паводле абвінавачаньня ў паклёпе на Аляксандра Лукашэнка.
