Муамар Кадафі пры смерці :: Хартыя'97 :: Навiны

Лівійскі лідэр Муамар Кадафі шпіталізаваны ў цяжкім становішчы. Лекары дыягназавалі парушэнне кровазвароту галаўнога мозгу ў выніку закупоркі сасуда, паведамляе NEWSru Israel са спасылкай на палесцінскае незалежнае агенцтва Maan. Напярэдадні, 13 траўня, Кадафі перанёс шырокі інсульт.

Агенцтва спасылаецца на свае крыніцы, якія атрымалі інфармацыю з Еўропы.

Цяпер 64-гадовы Кадафі шпіталяваны ў адну з лівійскіх бальніц. Лекары пагрузілі яго ў стан штучнай комы.

Сыны кіраўніка Лівіі, якія знаходзіліся ў еўрапейскіх краінах, тэрмінова накіраваліся ў Трыпалі.

Ніякія другія крыніцы цяпер не пацвярджаюць дадзеныя звесткі. Інфармацыя ўдакладняецца.

Апошнім разам лівійскі лідэр з`яўляўся на публіцы 8 траўня, каментуючы пагадненне паміж Суданам і Чадам, падпісанае ў Эр-Рыядзе.

Муамар Кадафі нарадзіўся ў 1942 годзе ў Лівіі, стаў афіцэрам. У 1969 годзе ён стаяў на чале групы вайскоўцаў, якія скінулі караля Ідрыса I і захапілі ўладу ў краіне. З тых часоў Кадафі з`яўляецца фактычным кіраўніком Лівіі.

Кадафі пачаў шукаць пераемніка

Яшчэ летась Муамар Кадафі пачаў пагаворваць пра сыход. Але, лічачы сваё ўкладанне ў гісторыю чалавецтва ўнікальным, ён заўсёды паўтараў, што незаменны. Да таго ж перадаваць па спадчыне яму няма чаго: афіцыйна ён усю ўладу перадаў народу яшчэ ў 1977 годзе, калі была заснаваная "Джамахірыя" – "дзяржава мас".

Сярод магчымых яго пераемнікаў называюць старэйшага сына Кадафі – Саадзі, які да нядаўняга часу гуляў у італьянскіх футбольных клубах "Пяруджа" і "Удзінэзэ". Злыя языкі сцвярджалі, што яго ўзялі ў клубы толькі для рэкламы. Саадзі Кадафі ўклаў у футбол дзесяткі мільёнаў і валодае 7,5% акцый турынскага "Ювентуса" праз Libyan Arab Foreign Investment Company (LAFICO), а таксама 10% акцый "Трыесціны" – каманды серыі В. І вось летась ён раптам перайшоў у іншую каманду – у лівійскі спецназ. Саадзі надзеў пагоны і стаў адной з самых значных фігур у сілавых ведамствах. Гэты пераход адбыўся ў становішчы самай строгай сакрэтнасці.

На чутцы ў лівійцаў і імя старэйшага брата Кадафі, Мухамеда, сціплага і акуратнага ўладальніка тэлекамунікацыйнай кампаніі, алімпійскага камітэта краіны і аўтаклуба.

Сярод прэтэндэнтаў няма дачкі Айшы і малодшы сына Біляля па мянушцы Анібал, які вядомы, галоўным чынам, сваімі прыгодамі ў Парыжы і не толькі ў ім.

А вось сын Сейф аль-Іслам (літаральна: "меч ісламу") – таксама магчымы кандыдат. Сейф увасабляе адкрытасць Лівіі да дыялогу з Захадам.

Ён займаецца пасрэдніцкімі місіямі. З дапамогай свайго фонду ён адыграў у 2000 годзе ключавую ролю ў вызваленні 19 заходніх заложнікаў, захопленых на Філіпінах групай "Абу Саяф". Па некаторых дадзеных, ён заплаціў выкрадальнікам. Ён удастоіўся літасці заходніх краін, першым чынам Францыі. Ён жа выплаціў кампенсаванні сем`ям пасажыраў рэйса DC10 авіякампаніі UTA, якія загінулі ў выніку тэракту. Французская юстыцыя прызначыла цану, але ў выпадку з іншым паветраным тэрактам, прыпісаным Лівіі (выбуху самалёта над пасёлкам Локербі), ЗША настаялі на ў сто раз большым кампенсаванні для сваякоў ахвяр. Трыпалі адмаўляўся плаціць суму, большую за тую, якая была названая парыжскім судом прысяжных. Каб выйсці з тупіку, давялося дзейнічаць праз няўрадавую структуру. Такім стаў фонд Кадафі.

Сейф аль-Іслам лічыць сябе сімвалам новай Лівіі. Ён аддае перавагу касцюмам ад Armani, гатэлі на Парк-Лэйн і вечарынкі ў Ібіцы. Тыгр, якога ён трымае на ферме ў стылі Бэверлі-Хілз каля аэрапорта Трыпалі – гэта яго адзіная даніна экзотыцы. Пасля таго як Францыя абвясціла яго персонай нон грата ў сілу эмбарга, ён з`ехаў вучыцца ў Аўстрыю, а потым – у Лонданскую школу эканомікі. Апошнія некалькі гадоў ён бязвыезна жыве ў Лівіі.