Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лябедзька: Кангрэс можа прайсці за межамі Беларусі 17:31, 14/05/2007
"Пры каласальных намаганнях улад можна перашкодзіць правядзенню Кангрэса дэмакратычных сілаў. Але мы ўжо ўсе пытанні фактычна вырашылі. А кангрэс, як найвышэйшы прадстаўнічы орган аб`яднаных дэмсілаў, павінен толькі легітымізаваць гэтыя рашэнні. Вельмі мала шанцаў на тое, што нам, паводле пададзеных заявак, дадуць залу Палаца Рэспублікі або канцэртную залу "Менск". Адпаведна, мы будзем кансультавацца з калегамі па пытанні, каб правесці кангрэс за межамі Беларусі. Дзе гэта будзе – мы яшчэ вырашым", – так пракаментаваў адмову кіраўніцтва Палаца культуры МАЗ у падаванні памяшкання для правядзення форума лідэр Аб`яднанай грамадзянскай партыі (АГП) Анатоль Лябедзька.
Нагадаем, што Палац культуры Менскага аўтазавода адмовіў прадстаўнікам апазіцыі ў выдзяленні памяшкання для правядзення запланаванага на 26–27 траўня Кангрэса дэмакратычных сілаў.
