Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Актывістка ПКБ падае ў суд на гарвыканкам 15:45, 14/05/2007
Гомельcкая актывістка Партыі камуністаў беларускай Марыя Багдановіч зьвярнулася ў суд Цэнтральнага раёну Гомеля з пазовам да гарвыканкаму. Яна лічыць незаконнай адмову выканкаму даць дазвол на правядзеньне пікету з нагоды 21-х угодкаў чарнобыльскай катастрофы і магчымасьці будаўніцтва ў Беларусі атамнай станцыі.
Паводле спадарыні Багдановіч, гарвыканкам пры адмове фармальна спаслаўся на тое, што пісьмовае абавязаньне замоўнікаў, прыкладзенае да заявы на пікет, не адпавядае артыкулу 10 Закону “Аб масавых мерапрыемствах у Рэспубліцы Беларусь”.
Пасьля адмовы актывістка пісьмова зьвярнулася ў гарвыканкам па тлумачэньні. Аднак атрымала чарговую адпіску ад намесьніка старшыні гарвыканкаму Сяргея Парошына.
У судзе Марыя Багдановіч наважаная падаць і некаторыя іншыя факты, калі гарвыканкам неапраўдана абмяжоўвае права гараджанаў на масавыя акцыі, паведамляе «Радыё Свабода».
