Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Мілер едзе ў Менск падпісваць дамову па «Белтрансгазу» 12:37, 15/05/2007
У Менску чакаюць кіраўніка Газпрома 17-18 траўня для падпісання дамовы аб стварэнні газатранспартнага СП, паведамляе “Інтэрфакс”. Дамова прадугледжвае паэтапны выкуп акцый "Белтрансгаза" цягам 4 гадоў роўнымі часткамі на агульную суму $2,5 млрд.
Нагадаем, указам Аляксандра Лукашэнка ад 9 сакавіка 2007 года №124 дадзенае даручэнне ўраду забяспечыць да 1 чэрвеня 2007 года заключэнне Дзяржаўным камітэтам па маёмасці Беларусі з ААТ "Газпром" дамовы куплі продажу акцый ААТ "Белтрансгаз".
У сакавіку была заснаваная працоўная група для стварэння сумеснай беларуска-расейскай газатранспартнай арганізацыі пад старшынствам міністра энергетыкі Беларусі Аляксандра Азярца. Перамовы гэтай працоўнай групы з "Газпромам" дазволілі дасягнуць згоды бакоў па пытаннях занясення змен і дадаткаў у статут "Белтрансгаза" ў сувязі з продажам яго акцый "Газпрому". Новая рэдакцыя статуту зацверджаная агульным сходам акцыянераў "Белтрансгаза" 4 траўня і прадстаўленая на рэгістрацыю Мінгарвыканкамам. Тым самым забяспечанае выкананне ўзаемнага абавязальніцтва Беларусі і ААТ "Газпром" аб замацаванні ў статуце ААТ "Белтрансгаз" прымальных для бакоў умоў іх удзелу ў сумеснай арганізацыі.
