Лукашэнка прапаноўвае ўвесці у ЖКГ кітайскі досвед :: Хартыя'97 :: Навiны

Аляксандр Лукашэнка заяўляе пра неабходнасць безумоўнага выканання прагнознага паказчыку па будаўніцтве жылля і паніжэнні яго кошту.

Падчас сустрэч у аўторак з кіраўніком Нацыянальнага банка Пятром Пракопавічам А.Лукашэнка "даручыў сканцэнтраваць высілкі на двух галоўных кірунках – паніжэнні кошту будаўніцтва жылля і ўвядзенні энергазахавальных тэхналогій у жыллёвым будаўніцтве", – паведамілі "Інтэрфаксу" ў прэс-службе кіраўніка дзяржавы.

У сувязі з гэтым, як адзначылі ў прэс-службе, "прэзідэнт асобна падкрэсліў неабходнасць выкарыстання прагрэсіўных тэхналогій і пакватэрнага ацяплення". Пра тое, як вырашаюцца гэтыя пытанні, урад і Нацыянальны банк дакладуць кіраўніку дзяржавы да 1 жніўня, паведамілі ў прэзідэнцкай прэс-службе.

Акрамя таго, паводле яе інфармацыі, на сустрэчы абмяркоўваліся перспектывы ўвядзення ў Беларусі кітайскага досведу па выкарыстанні цяпла падземных вод у ацяпленні жылфонду. А.Лукашэнка даручыў у самы блізкі час правесці эксперымент па будаўніцтве жылых мікрараёнаў у Менску і Берасці з выкарыстаннем геатэрмальнай энергіі для абагрэву дамоў, паінфармавалі ў прэс-службе кіраўніка дзяржавы. Там адзначылі, што беларускі бок ужо пачаў перамовы з кітайскімі фірмамі і ў гэтым годзе плануе пачаць рэалізацыю гэтых праектаў.