Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусь змагаецца за ўкраінскі рынак нафтапрадуктаў 13:24, 15/05/2007
Беларусь змагаецца за ўкраінскі рынак нафтапрадуктаў, заявіў у Менску, адказваючы на пытанні журналістаў пасля адкрыцця нацыянальнай выставы Украіны ў Менску, першы віцэ-прэм`ер беларускага ўрада Уладзімір Сямашка, паведамляе “Інтэрфакс”.
"Мы змагаемся за ўкраінскі рынак", – заявіў У.Сямашка, адказваючы на пытанне аб перспектывах паставак нафтапрадуктаў ва Украіну.
Па словах У.Сямашкі, у Беларусі дзейнічае электронная нафтавая біржа, праз якую ўкраінскімі спажыўцамі купляецца істотная частка нафтапрадуктаў. "Лагістыка і мінімальныя транспартныя выдаткі робяць нашы нафтапрадукты канкурэнтаздольнымі на ўкраінскім рынку", – адзначыў У.Сямашка. Ён таксама акцэнтаваў увагу на тым, што ў самыя блізкія чатыры гады ў Наваполацкі нафтаперапрацоўчы завод плануецца ўкласці 650 млн даляраў, што значна палепшыць глыбіню перапрацоўкі нафты.
