Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Каштуніца застаўся на пасадзе прэм`ер-міністра Сербіі 17:56, 15/05/2007
Урад Сербіі ўзначаліць дзейны прэм`ер-міністр краіны Войслаў Каштуніца, паведамляе агенцтва B92. Такога пагаднення дасягнулі "Дэмакратычная партыя", кааліцыя "Дэмакратычная партыя Сербіі – Новая Сербія" і партыя "Г–17 плюс".
Да паўночы 16 траўня сербскі парламент (Народная Скупшчына) павінен зацвердзіць склад і прыняць прысягу новага ўрада.
Калі гэтага не адбудзецца, то прэзідэнт краіны Борыс Тадзіч павінен будзе распусціць абраны 21 студзеня 2007 года парламент і прызначыць новыя выбары.
Нагадаем, на выбарах у сербскі парламент, якія адбыліся 21 студзеня, перамагла "Сербская радыкальная партыя", другое і трэцяе месца занялі "Дэмакратычная партыя" прэзідэнта краіны Тадзіча і "Дэмакратычная партыя Сербіі – Новая Сербія" дзейнага прэм`ер-міністра Каштуніцы.
Увесь гэты час пасля выбараў дэпутаты Скупшчыны не маглі дамовіцца ні аб стварэнні парламенцкай кааліцыі, ні аб выбарах новага ўрада. Супярэчнасці назіраліся як сярод дэмакратаў і радыкалаў, так і ўнутры гэтых палітычных груповак.
Зацверджаны спікер новага парламента, прадстаўнік радыкальнай партыі Таміслаў Ніколіч некаторы час назад сышоў у адстаўку. 15 траўня было апошнім тэрмінам, калі дэпутаты павінны былі зацвердзіць урад, інакш Скупшчына была б распушчаная.
Паводле канстытуцыі Сербіі, кандыдатуру новага прэм`ер-міністра на разгляд парламента ўносіць прэзідэнт пасля кансультацый з прадстаўнікамі ўсіх партыйных фракцый. Войслаў Каштуніца ўзначальвае сербскі ўрад з 2004 года.
