Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Украіна спадзяецца вырашыць праблемы з Беларуссю «цывілізавана» 13:22, 15/05/2007
Вырашэнне эканамічных спрэчак, якія ўзнікаюць паміж Беларуссю і Украінай, павінна здзяйсняцца цывілізавана з выкарыстаннем норм міжнароднай практыкі, заявіў у Менску на прэс-канферэнцыі міністр эканомікі Украіны Анатоль Кінах, адказваючы на пытанне аб ужыванні ва ўзаемным гандлі антыдэмпінгавых мер.
"Наша супрацоўніцтва павінна развівацца ва ўмовах раўнапраўнай канкурэнцыі і ўзаемнай выгады", – падкрэсліў А.Кінах. Ён адзначыў, што існуе дастаткова цывілізаваных спосабаў абароны нацыянальных рынкаў. "Вельмі важна, каб абарона нацыянальных рынкаў праходзіла без падвойных стандартаў, зыходзячы з нормаў міжнароднага права", – сказаў А.Кінах.
