Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Улада выдала прэміі газетам , якія сядзіць у яе ж на шыі 16:37, 15/05/2007
Прэміі за “чэсную” працу на ніве журналістыкі раздавалі службоўцы вышэйшага звяна рэдакцыям раённых газет. Цырымонія ўручэння “оскараў” мясцовага разліву працаўнікам пяра і нататніка праходзіла ў барысаўскім Палацы культуры, паведаміла служба інфармацыі ”Барысаў Электронны".
Барысаўская раёнка “Адзiнства” таксама ўвайшла ў тройку газет, якія лепш за ўсіх падлічваюць трыумфальную колькасць надояў і ўкосаў і вывезенага на палі гною ў гаспадарках раёна. Прэмію ў 400 базавых велічынь (аж 12,4 мільёна рублёў!) “Адзiнства” падзяліла з клёцкай раёнкай “Да новых перамог”. Гэта будзе яшчэ адным уліваннем дзяржавы ў бюджэт газеты, якая і без таго сытна сілкуецца ад вымя райвыканкама.
Стаўбцкоўскай газеце “Прамень” павезла больш: яе рэдакцыі перадалі ключы ад аўтамабіля “Газ”. Рэдактар мядзельскай раёнкі “Нарочанская заря” зможа падзяліць паміж супрацоўнікамі прэмію памерам 550 базавых велічынь. Рэдакцыя “Минской правды” атрымала прыз у памеры 500 базавых велічынь.
