Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Украіна прапаноўвае Беларусі пабудаваць АЭС 15:02, 16/05/2007
Спіс краін, гатовых рэалізаваць мару А.Лукашэнкі – пабудаваць у Беларусі АЭС, сёння папоўніцца яшчэ адным магчымым падрадчыкам. Сваё жаданне ўдзельнічаць у конкурсе за права будаўніцтва АЭС у Беларусі выказала Украіна, далучыўшыся да Расеі, Францыі, Кітая і Ірана – менавіта гэтыя краіны згадваліся ў якасці магчымага падрадчыка па будаўніцтве АЭС.
Украіна гатовая ўдзельнічаць у будаўніцтве АЭС у Беларусі і забяспечыць гэтую краіну уранавай сыравінай, заявіў сёння міністр паліва і энергетыкі Украіны Юры Бойка на брыфінгу ў кабінеце міністраў, паведамляе АФН са спасылкай на УНІАН.
“Увесь свет зразумеў, што будучыня – за атамнай энергетыкай, і мы, як краіна, якая мае вялікі досвед у гэтым дачыненні, будзем, безумоўна, запатрабаваныя, у тым ліку і ў праграме Беларусі па будаўніцтве атамнай электрастанцыі і забеспячэнні гэтай станцыі уранавай сыравінай”, – цытуе УНІАН украінскага міністра.
