Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Джэймса Бонда адправяць партызаніць у Беларусь 17:05, 16/05/2007
Брытанскі акцёр Дэніэл Крэйг, які дамогся сусветнай вядомасці пасля выканання ролі Джэймса Бонда ў фільме "Казіно Раяль", сыграе ў фільме Эда Цвіка, прысвечаным Другой сусветнай вайне.
Як паведамляе рэсурс Comingsoon.net, сюжэт будуецца вакол рэальнай гісторыі чацвярых братоў, якія ўдзельнічалі ў польскім супраціве нацыстам, а потым былі змушаныя разам з групай бежанцаў з гета габрэяў пакінуць краіну і далучыцца да вялікага партызанскага атрада ў беларускіх лясах.
Якую менавіта ролю сыграе Крэйг, пакуль не паведамляецца. У найбліжэйшых планах акцёра ўдзел у такіх праектах, як "Залаты компас", "Я, Люцыфер" і 22-я серыя "бандыаны". Рэжысёр Эд Цвік вядомы па такіх карцінах, як "Апошні самурай" і "Крывавы дыямент".
