Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Берасці плануюць правесці акцыю супраць адмены льгот 14:22, 16/05/2007
У Берасці гарадскія арганізацыі Беларускай сацыял-дэмакратычнай партыі і Партыі камуністаў Беларускай падалі заяўку ў гарвыканкам на правядзенне 1 чэрвеня пікету супраць адмены льгот для дзяцей. Пра гэта паведаміў БелаПАН старшыня абласной арганізацыі БСДП (Грамада) Ігар Маслоўскі.
Па яго словах, берасцейскія сацыял-дэмакраты сумесна з прадстаўнікамі ПКБ плануюць арганізаваць шэраг мерапрыемстваў, накіраваных супраць планаў беларускіх улад адмяніць ільготы для дзяцей.
У прыватнасці, 15 траўня актывіст БСДП (Грамада) Георгій Руцкі ужо пачаў правядзенне велапрабегу па маршруце Берасце – Мікашэвічы – Берасце. "Мэта гэтага мерапрыемства, якое скончыцца 23 траўня, – прыцягнуць увагу грамадскасці да парушэння правоў дзяцей і магчымага пазбаўлення іх ад ільгот. Актывіст нашай партыі мае намер наведаць шэраг рэгіёнаў вобласці і распаўсюдзіць інфармацыйныя матэрыялы аб правах дзяцей", – паведаміў І.Маслоўскі.
