Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Менскія ўлады забаранілі мітынг супраць адмены льгот 12:43, 16/05/2007
Менскі гарадскі выканаўчы камітэт забараніў правядзенне 20 траўня на плошчы Бангалор у Менску мітынгу пратэсту супраць адмены льгот. Пра гэта прэс-цэнтру Хартыі’97 паведаміў адзін з арганізатараў акцыі, лідэр арганізацыі “Моладзь БНФ” Алесь Каліта. Афіцыйная прычына адмовы – 20 траўня на плошчы нібыта будзе праходзіць “уборка тэрыторыі і рамонт абсталявання”.
Актывісты студэнцкага руху падалі заяўку на правядзенне масавай акцыі пратэсту 4 траўня. Акцыя павінна была мець непалітычны характар і прайсці пад лозунгамі “Мы супраць адмены льгот”.
На дадзены момант у арганізацыйны камітэт увайшлі пяць моладзевых арганізацый і прадстаўнікі большасці менскіх ВНУ. Падчас мітынгу планаваўся таксама выступ вядомых беларускіх музыкаў.
Заўтра, а 12.00, на Управе БНФ арганізатары акцыі правядуць прэс-канферэнцыю.
