Вы находитесь на старой версии сайта "Хартия'97 - Новости Беларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пікет каля амбасады Беларусі ў Гааге 17:32, 17/05/2007
16 траўня каля амбасады Беларусі ў Гааге прайшла акцыя салідарнасці з народам Беларусі. Акцыя была арганізаваная ініцыятывай “Мы памятаем” і нідэрдандскай арганізацыяй «Mission to Minsk».
Удзельнікі пікету трымалі бел-чырвона-белы сцяг і партрэты гвалтоўна зніклых у Беларусі палітыкаў Юрыя Захаранкі, Віктара Ганчара, Анатоля Красоўскага і журналіста Змітра Завадскага. Мінакі выказвалі жывы інтарэс да акцыі – яны спыняліся, задавалі пытанні пра прычыну мерапрыемства і пра сітуацыю ў Беларусі, выказвалі салідарнасць з удзельнікамі пікету і беларускім народам.
Да заканчэння пікету партрэты Юрыя Захаранкі, Віктара Ганчара, Анатоля Красоўскага, Змітра Завадскага былі апушчаныя ў паштовую скрыню амбасады.
Супрацоўнікі амбасады назіралі за акцыяй, аднак употай, з-за фіранкі, паведамляе прэс-служба CIWR.ORG.
