Вы находитесь на старой версии сайта "Хартия'97 - Новости Беларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Расейскія кампаніі адмаўляюцца ад перапрацоўкі нафты ў Беларусі 12:15, 17/05/2007
Пастаўка нафты на беларускія нафтаперапрацоўчыя заводы (НПЗ) знізілася ў студзені–красавіку 2007 года на 12,7% у параўнанні з аналагічным перыядам 2006 года да 6,42 мільёна тон, у тым ліку пастаўка расейскай нафты склала 5,74 мільёна тон (- 21,4%), паводле дадзеных афіцыйнай статыстыкі.
На НПЗ «Нафтан» пастаўленыя 3,15 мільёна тон нафты (-13,2%), на Мазырскі НПЗ – 3,27 мільёна тон (- 12,3%).
У тым ліку заводы закупілі за кошт уласных сродкаў 3,34 мільёна тон нафты (+30,5%): «Нафтан» – 1,67 мільёна тон (+30,9%), Мазырскі НПЗ – 1,68 мільёна тон (+30,6%).
Камерцыйныя кампаніі паставілі на беларускія НПЗ 2,07 мільёна тон нафты (- 49,25 да студзеня–красавіка 2006 года). У тым ліку «Нафтану» – 959 тысяч тон (- 48,8%), Мазырскаму НПЗ – 1111,5 тысячы тон (-49,5%).
Беларускай нафты было пастаўленае на НПЗ 569 тысяч тон (у 10,4 разоў больш): 188 тысяч тон – на «Нафтан» і 381 тысяча тон – на Мазырскі НПЗ.
Беларускі нафтавы гандлёвы дом пры канцэрне «Белнафтахім» паставіў на «Нафтан» 125 тысяч тон нафты. Дзяржаўнае вытворчае аб`яднанне «Беларуснафта» паставіла «Мазырскаму НПЗ» 100 тысяч тон.
Гомельскае прадпрыемства па транспарце нафты «Дружба» купіла 12 тысяч тон нафты для перапрацоўкі на Мазырскім НПЗ (за аналагічны перыяд 2006 года закупаў не было).
Наваполацкае прадпрыемства па транспарце нафты «Дружба» закупіла для перапрацоўкі на «Нафтане» 60 тысяч тон нафты (у студзені–красавіку 2006 года закупаў не было).
З “Госкомрезерва” было пастаўлена 40 тысяч тон нафты для перапрацоўкі на Мазырскім НПЗ.(Увесь аб`ём выдзелены ў студзені, летась гэтыя рэсурсы заводам не выдзеляліся), паведамляе ПРАЙМ-ТАСС.
