Вы находитесь на старой версии сайта "Хартия'97 - Новости Беларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусам распавялі пра палітвязьняў 10:13, 17/05/2007
16 траўня ў Наваградку распачалася маштабная інфармацыйная акцыя. Сутнасьцю акцыі зьяўляецца данясеньне да грамадзтва праўдзівай інфармацыі пра палітычных вязьняў, пра крымінальны перасьлед актывістаў "Маладога Фронту".
Учора адбыўся распаўсюд улётак па паштовых скрынях. Актывісты, нягледзячы на кепскае надвор`е, здолелі распаўсюдзіць улёткі ва ўсім горадзе. Цікаўным, што заўважалі раскідваньне інфармацыі, маладафронтаўцы вусна распавядалі пра акцыю, давалі ўлёткі, раздавалі значкі "За свабоду".
«Прыемна, што людзі ў Наваградку цікавяцца палітычнай сытуацыяй ў краіне. Удвая прыемнее ад таго, што ад звычайных мінакоў можна пачуць словы падтрымкі й падзякі за нашую працу. Нашая інфармацыйная акцыя будзе працягвацца надалей» - кажа адзін з сяброў моладзевага нацыянальнага руху з Наваградку.
