Вы находитесь на старой версии сайта "Хартия'97 - Новости Беларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Берасьці апаганены памятны знак ахвярам габрэйскага гета 15:39, 17/05/2007
Распачатая крымінальная справа паводле факту спальваньня кветак, што былі ўскладзеныя да памятнага знаку на месцы, дзе ў часе мінулай вайны існавала Берасьцейскае гета.
Паводле зьвестак праваахоўных органаў, асобы, якія зьдзейсьнілі акт вандалізму, пакуль ня знойдзеныя, паведамляе “Радыё Свабода”.
Памятны знак, які ўшаноўвае зьнішчанае у гады Другой сусьветнай вайны габрэйскае насельніцтва, церпіць ад вандалаў ужо шосты раз. Раней на ім размалёўвалі фашыстоўскую свастыку, аблівалі фарбай. Вінаваты быў выяўлены толькі аднойчы, аднак паколькі хлопец зьяўляўся няпоўнагадовым, ён пазьбегнуў пакараньня.
