Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Суд над актывістамі «Маладога Фронту» перанесены на 28 траўня 15:26, 18/05/2007
Сёння актывісту “Маладога Фронту” Барысу Гарэцкаму ў судзе Савецкага раёна Менска ўручылі позву з просьбай з’явіцца 28 траўня, а 10.00 на судовы разгляд крымінальнай справы, узбуджанай супраць яго па артыкуле 193 Крымінальнага кодэкса РБ (дзейнасць ад імя незарэгістраванай арганізацыі). Пра гэта прэс-цэнтру Хартыі’97 паведаміў моладзевы лідэр Артур Фінькевіч. Такім чынам, дзень суду над “маладафронтаўцамі” перанесены.
Нагадаем, раней паведамлялася, што працэс па справе актывістаў арганізацыі “Малады Фронт” пачнецца 30 траўня ў судзе савецкага раёна Менска. Справа моладзевых актывістаў Змітра Хведарука, Алега Корбана, Насты Палажанкі, Аляксея Янушэўскага і Барыса Гарэцкага будзе разглядаць суддзя Руслан Аніскевіч.
Раней па артыкуле 193 Крымінальнага кодэкса РБ быў асуджаны лідэр “Маладога Фронту” Зміцер Дашкевіч. Яго суд прысудзіў да 1,5 гадоў агульнага рэжыму.
