Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Дамову па «Белтрансгазе» падпісалі ў абмен на расейскі крэдыт? 11:02, 21/05/2007
Пасля падпісання 18 траўня ў Менску пакета дакументаў па стварэнні газатранспартнай беларуска-расейскай арганізацыі працэс выдзялення РФ стабілізацыйнага крэдыту Беларусі можа пайсці больш актыўна. Пра гэта паведаміў 19 траўня журналістам у Менску першы віцэ-прэм`ер Беларусі Уладзімір Сямашка, адказваючы на пытанне карэспандэнта БелТА.
Ён канстатаваў, што перамовы па атрыманні стабілізацыйнага крэдыту цяпер ідуць. У Беларусі ёсць перавага ў тым, што рэспубліка не мае вялікага знешняга доўгу. Гэта дазваляе прыцягваць вялікія крэдыты. Па словах Уладзіміра Сямашкі, падпісаная ў Менску дамова аб куплі-продажу акцый, а таксама дапаўненне да пратакола аб стварэнні СП "уносіць элементы стабільнасці і разумення ў агульны працэс дадзеных перамоваў".
