Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У калгасах бастуюць механізатары 15:00, 21/05/2007
Механізатары сельскага кааператыва “Варняны” Астравецкага раёна Гарадзенскай вобласці абвясцілі страйк і адмовіліся выходзіць у поле. Як паведамілі працоўныя прэс-цэнтру Хартыі’97, пратэст выкліканы пазапраўнымі звальненнямі, нявыплатамі прэмій і зразаннямі зарплаты, якія практыкуе цяперашняе кіраўніцтва СПК “Варняны”.
Адмаўляюцца працаваць 43 механізатары. Яны патрабуюць, каб старшыня кааператыва “Варняны”. Уладзіслаў Рук напісаў заяву аб звальненні.
Метады кіравання Рука механізатары лічаць пазапраўнымі. На іх думку, старшыня кааператыва не займаецца развіццём прадпрыемства, а аддае перавагу эканоміць сродкі за кошт заробкаў працоўных.
“У поле выходзіць не будзем. Будзем стаяць да канца. Трэба змагацца. Цяпер мы чакаем журналістаў, фотакарэспандэнтаў, каб пра акцыю напісалі ў газетах, і пра нас даведаліся, як мага больш людзей”, – паведамілі механізатары прэс-цэнтру Хартыі’97.
