Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міністэрства замежных спраў Украіны просіць знешнепалітычнае ведамства Расеі даць інфармацыю аб прававых падставах дэмантажу помніка загінуўшаму падчас Вялікай Айчыннай вайны ўкраінскаму лётчыку Васілю Пайдзенку на Кіеўскай шашы ў Падмаскоўе.
Як паведамілі ў прэс-службе Міністэрства, МЗС Украіны накіраваў адпаведны запыт і пакуль не атрымаў адказу расейскіх дыпламатаў.
Як паведамлялася, у падмаскоўнай Апрэлеўцы гэтымі днямі быў знесены помнік лётчыку лейтэнанту Васілю Фёдаравічу Пайдзенку, украінскаму лётчыку, які бараніў Маскву.
Паводле інфармацыі шэрагу СМІ, помнік знеслі ў сувязі з пашырэннем Кіеўскай шашы, але мясцовая адміністрацыя абяцае помнік аднавіць.
