Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У працаўнікоў адбіраюць грошы на будаўніцтва праваслаўнага храма 14:48, 22/05/2007
Паводле інфармацыі прадстаўніка РПГА “Беларускі Хельсінкскі Камітэт” (БХК) у горадзе Баранавічы, мясцовы гарвыканкам абавязаў дзяржаўныя прадпрыемствы аказваць дапамогу ў будаўніцтве Царквы Жанчын-міраносіц Беларускага экзархата Расейскай праваслаўнай царквы.
Так, працоўныя аўтаагрэгатнага завода ў сваёй заработнай плаце не далічыліся па 5 тысяч рублёў. Без апавяшчэння працоўных завадская бухгалтэрыя пералічыла гэтыя грошы на будаўніцтва храма. Аналагічная сітуацыя адбылася на заводзе “Станкапрыналежнасцяў” і некаторых іншых прадпрыемствах горада. Пералік ідзе пад кодам 015 “Агульныя фонды”.
БХК лічыць дзеянні Адміністрацыі горада і прадпрыемстваў пазапраўнымі і якія ўшчамляюць правы грамадзян.
У Беларусі царква аддзеленая ад дзяржавы, і кожны ў праве самастойна вызначаць сваё дачыненне да рэлігіі. Паводле часткі 2 артыкулы 4 Канстытуцыі Беларусі «ідэалогія палітычных партый, рэлігійных або іншых грамадскіх аб`яднанняў сацыяльных груп не можа ўсталёўвацца ў якасці ў якасці абавязковай для грамадзян».
