Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Канаплёў назваў прэзідэнта Ірана «неардынарнай асобай» 10:52, 22/05/2007
Старшыня “палаты прадстаўнікоў” “нацыянальнага сходу” Беларусі Уладзімір Канаплёў лічыць прэзідэнта Ірана Махмуда Ахмадзінежада "неардынарнай асобай".
"Заўсёды прыемна сустракацца з такой неардынарнай асобай, як вы", – сказаў У.Канаплёў, сустракаючыся з іранскім лідэрам у Менску ў аўторак, паведамляе “Інтэрфакс”.
Спікер падкрэсліў, што ўчорашняя сустрэча прэзідэнтаў Ірана і Беларусі атрымала шырокі рэзананс. "Станоўчы рэзананс ад сустрэчы з прэзідэнтам ужо дайшоў да самых далёкіх куткоў краіны", – сказаў У.Канаплёў.
Канаплёў таксама адзначыў, у стасунках паміж парламентамі Ірана і Беларусі існуюць добрыя традыцыі.
У “нацыянальным сходзе” Беларусі і Сходзе Ісламскага савета Ірана сфармаваныя працоўныя групы па супрацоўніцтве паміж парламентамі дзвюх краін. Працоўная група ў беларускім “парламенце” пачала працаваць у 1997 годзе, у парламенце Ірана – у 2001 годзе. У 2002 годзе ў Менску быў падпісаны Мемарандум аб супрацоўніцтве паміж парламентамі дзвюх краін, паведамляе БелТА.
