Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Шэйман спадзяецца падпісаць выгодныя вайсковыя кантракты 13:12, 22/05/2007
Дзяржаўны сакратар Рады бяспекі Беларусі Віктар Шэйман, адкрываючы выставу Milex-2007, заявіў, што “прыярытэтам для Беларусі з’яўляецца падтрымка на належным узроўні барацьбы з тэрарызмам і злачыннасцю, і эфектыўнасць гэтага залежыць, у тым ліку, ад абсталявання тэхнікай, узбраеннем, другімі сродкамі”.
Па словах В.Шэймана, мэта выставы “Milex” – прадэманстраваць дасягненні ў ваенна-тэхнічнай галіне, паказаць партнёрам усю гаму прадукцыі, паведамляе “Інтэрфакс”.
Ён адзначыў, што большасць узораў, якія дэманструюцца на выставе, эксплуатуюцца ва Узброеных сілах Беларусі, а шэраг замежных дзяржаў выкарыстоўваюць іх для абсталявання сваіх узброеных сілаў.
В.Шэйман выказаў надзею, што на выставе “Milex-2007” будуць падпісаныя выгодныя кантракты.
У сваю чаргу намеснік дырэктара федэральнай службы Расеі па ваенна-тэхнічнаму супрацоўніцтву Уладзімір Паляшчук заявіў у аўторак на адкрыцці выставы “Milex-2007”, што выстава ваеннай тэхнікі і ўзбраення “Milex” займае важнае месца ў ваенна-тэхнічным супрацоўніцтве Беларусі і Расеі.
"Упэўнены, што правядзенне выставы будзе спрыяць прасоўванню прадукцыі вайсковага прызначэння на міжнародныя рынкі, умацаванню двухбаковых кантактаў і бяспецы", – сказаў У.Паляшчук.
