Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міністэрства жыллёва-камунальнай гаспадаркі будзе ініцыяваць падвышэнне тарыфаў на ваду. Пра гэта паведаміў сёння журналістам пасля адкрыцця завода па вытворчасці цеплавых труб у пасёлку Гатава Менскага раёна міністр жыллёва-камунальнай гаспадаркі Беларусі Уладзімір Белахвостаў.
"Міністэрства ЖКГ будзе ініцыяваць падвышэнне тарыфаў на ваду, бо сёння адзін куб.м яе абыходзіцца ўсяго толькі ў Br257, што прыводзіць да безгаспадарлівасці. Трэба, каб гэты важны рэсурс каштаваў адпаведна", – лічыць ён.
Уладзімір Белахвостаў таксама паведаміў, што ў першым квартале гэтага года ў Міністэрства ЖКГ не паступіла ніводнага звароту грамадзян з нагоды неабгрунтавана завышаных тарыфаў на жыллёва-камунальныя паслугі. Гэта сведчыць пра разуменне праблемы, а таксама пра вялікую тлумачальную працу, якую праводзяць беларускія СМІ сярод насельніцтва, лічыць міністр.
