Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Вярхоўны суд адмовіў адвакатам Казуліна ў задавальненьні скаргі на прысуд палітыку 12:21, 22/05/2007
Вярхоўны суд Беларусі адмовіў адвакатам Аляксандра Казуліна ў задавальненьні іх нагляднай скаргі на прысуд палітыку. Адмысловы дакумэнт падпісаў намесьнік старшыні Вярхоўнага суду Валер Калінковіч.
Паводле гэтага дакумэнту, скарга была разгледжана 21 траўня, праз месяц пасьля яе падачы.
“У нас застаецца адзіны шлях — гэта наглядная скарга на імя Генэральнага пракурора Беларусі Пятра Міклашэвіча. Але ўжо зараз відавочна, што рэжым прадэманстраваў сваю нягнуткасьць і няздольнасьць ісьці насустрач патрабаваньням беларускай і ўсясьветнай дэмакратычнай грамадзкасьці,” — сказаў «Радыё Свабода» былы адвакат А. Казуліна Ігар Рынкевіч.
Нагадаем, летась Аляксандар Казулін быў асуджаны на 5,5 гадоў зьняволеньня за арганізацыю 25 сакавіка 2006 года масавых акцыяў пратэста супраць фальсіфікацыі вынікаў прэзідэнцкіх выбараў. Палітык адбывае пакараньне ў Віцебскай калёніі.
